ازخواب گراں خیز

کسے جنگل وچ اک خرگوش دی اسامی نکلی۔ اک بیروزگار تے حالات دے مارے رچھ نے وی ایہدے لئی درخواست جمع کرا دتی۔ اتفاق نال کسے خرگوش نے درخواست نہیں دتی تے اوسے رِچھ نوں ای خرگوش من دے ہوئے ملازمت دے دتی گئی۔ ملازمت کردے ہوئے اک دن رِچھ نے محسوس کیتا کہ جنگل وچ رِچھ دی اک اسامی تے اک خرگوش کم کر رہیا اے تے اوہنوں رِچھ دا مشاہرہ تے رِچھ دی مراعات مل رہیاں نیں۔ رچھ نوں ایس ناانصافی تے بڑا غصہ آیا کہ اوہ اپنے قد کاٹھ تے جثے دے نال بمشکل خرگوش دا مطاہرہ تے مراعات پا رہیا اے جد کہ اک چھوٹا جیہا خرگوش اوہدی تھاں رچھ ہون دا دعویدار بن کے مزے کر رہیا اے۔ رچھ نے اپنے دوستاں تے واقف کاراں نال اپنے نال ہون والے ایس ظلم و زیادتی دے خلاف گلاں کیتیاں‘ سارے دوستاں تے بہی خواہواں نے اوہنوں مشورہ دتا کہ اوہ فوراً ایس ظلم دے خلاف جا کے قنونی کاروائی کرے۔
رچھ نے اوسے ویلے جنگل دے ڈائریکٹر کول جا کے شکایت کیتی‘ ڈائریکٹر صاحب نوں کجھ نہ سُجھی‘ کوئی جواب نہ بن پین تے اوہنے شکایت والی فائل جنگل انتظامیہ نوں گھل دتی۔ انتظامیہ نے اپنی جان چھڑان لئی کجھ سینئر چیتیاں تے مشتمل اک کمیٹی بنا دتی۔ کمیٹی نے خرگوش نوں نوٹس گھل دتا کہ اوہ اصالتاً حاضر ہو کے اپنی صفائی پیش کرے تے ثابت کرے کہ اوہ اک رِچھ اے۔ دوجے دن خرگوش نے کمیٹی دے سامنے پیش ہو کے اپنے سارے کاغذات تے ڈگریاں پیش کرکے ثابت کر دتا کہ اوہ اصل وچ اک رچھ اے۔ کمیٹی نے رچھ توں غلط دعویٰ دائر کرن تے پچھیا کہ کیہ اوہ ثابت کر سکدا اے کہ اوہ خرگوش اے؟ مجبوراً رِچھ نوں اپنے تیار کردہ کاغذات پیش کرکے ثابت کرنا پیا کہ اوہ اک خرگوش اے۔
کمیٹی نے اپنے فیصلے وچ لکھیا کہ سچ ایہہ وے کہ خرگوش ای رچھ اے تے رچھ ای اصل وچ خرگوش اے۔ ایس لئی کسے وی ردوبدل دے بناں دوویں فریقین اپنی اپنی نوکریاں تے بحال اپنے اپنے فرائض نبھاندے رہن گے۔ رچھ نے کسے قسم دے اعتراض دے بناں فوراً ای کمیٹی دا فیصلہ من لیا تے واپسی دی راہ لئی۔رچھ دے دوستاں نے کسے چوں چراں دے بناں اینی بزدلی نال فیصلہ منن دا کارن پچھیا تے رچھ نے کہیا: میں بھلا چیتیاں تے مشتمل ایس کمیٹی دے خلاف کیویں کوئی گل کر سکدا سی تے میں کیویں اوہناں دا فیصلہ قبول نہ کردا کیوں جے کمیٹی دے سارے ارکان چیتے اصل وچ کھوتے سن جد کہ اوہناں دے کول ایہ ثابت کرن لئی کہ اوہ چیتے نیں باقاعدہ ڈگریاں تے کاغذات وی سن۔
ایہو حال ساڈے ملک دا اے تے ایہو ساڈے خودساختہ آقاواں دا اے۔ ایہو حال ساڈے وزیراں‘ مشیراں دا اے۔ ایہو حال ساڈے بیوروکریٹاں دا اے۔ ایہو حال ساڈی اشرافیہ دا اے‘ ایہو حال ساڈے نام نہاد مذہبی پیشواواں دا اے۔ ایہو عکاسی کئی ورھے پہلاں فاروق قیصر عرف انکل سرگم دی دل نوں چھوہندی ہوئی اک مشہور نظم ’’اللہ میاں‘‘ جہنوں اوہناں دے ٹی وی پروگرام وچ اوہناں دا مشہور کردار رولا سناندا سی وچ کیتی گئی سی۔ ایہ نظم اج وی حسب حال اے۔
میرے پیارے اللہ میاں، دل میرا حیران ہے، میرے گھر میں فاقہ ہے، اس کے گھر میں نان ہے، میں بھی پاکستان ہوں، اور وہ بھی پاکستان ہے، میرے پیارے اللہ میاں، لیڈرکتنے نیک ہیں، ہم کو دیں وہ صبر کا پھل، خود وہ کھاتے کیک ہیں، میرے پیارے اللہ میاں، یہ کیسا نظام ہے؟ فلموں میںآزادی ہے، ٹی وی پر اسلام ہے، میرے پیارے اللہ میاں، سوچ کے دل گھبراتا ہے، بند ڈبوں میں خالص کھانا، ان کا کتا کھاتا ہے، میرا بچہ روتے روتے، بھوکا ہی سو جاتا ہے، میرے پیارے اللہ میاں، دو طبقوں میں بٹتی جائے، ایسی اپنی سیرت ہے، ان کی چھت پر ڈش انٹینا، میرے گھر بصیرت ہے، میرے پیارے اللہ میاں، میری آنکھ کیوں چھوٹی ہے؟ اس کی آنکھ میں کوٹھی ہے، میری آنکھ میں روٹی ہے، میرے پیارے اللہ میاں، تیرے راز بھی گہرے ہیں، ان کے روزے سحری والے، میرے آٹھ پہرے ہیں، میرے پیارے اللہ میاں، روزہ کھولنے کی ان کو، دعوت ملے سرکاری ہے، میرا بچہ روزہ رکھ کر، ڈھونڈتا پھرے افطاری ہے، میرے پیارے اللہ میاں، یہ کیسا وٹہ سٹہ ہے؟ این ٹی ایم کا سر ہے ننگا، پی ٹی وی پہ ڈوپٹہ ہے، (این ٹی ایم پہلا پرائیویٹ چینل تھا) میرے پیارے اللہ میاں، بادل مینہ برسائے گا، اس کا گھر دھل جائے گا، میرا گھر بہہ جائے گا، میرے پیارے اللہ میاں، چاند کی ویڈیو فلمیں دیکھ کر، اس کا بچہ سوتا ہے، میرا بچہ روٹی سمجھ کر، چاند کو دیکھ کے روتا ہے، میرے پیارے اللہ میاں، یہ کیسی بدنظمی ہے، میرا پیٹ تو خالی ہے، اس کو کیوں بدہضمی ہے، میرے پیارے اللہ میاں، یہ کیسی ترقی ہے؟ ان کی قبریں تک ہیں پکی، میری بستی کچی ہے۔٭