محمد حسنین بھٹی دی کتاب ’’کوک پاکستان کوک‘‘ دا مکھ وکھالی اکٹھ

رپورٹ:رانا ناصر خاں پنجابی

محمد حسنین بھٹی دی کتاب ’’کوک پاکستان کوک‘‘ دا مکھ وکھالی اکٹھ گوجر خان وچ’’ویڑھا پیر محمد شاہ‘‘ دی سرپرستی منعقد ہوئی جس دی صدارت معروف دانشور پنجابی زبان دے لکھاری پروفیسر سعید احمد ہوراں کیتی ۔ تقریب وچ پنجابی شاعراں، دانشوراں تے سماجی کارکناں نے وڈھی تعداد وچ رَلت کیتی۔ مقررین وچ ویڑھا پیر محمد شاہ دے چئیرمین پیرزادہ حامد شاہ بخاری، پنجاب سیوک سانجھ دے چئیرمین چرغ الدین وانہ، پنجابی زبان دے معروف لکھاری پروفیسر سعید احمد نے کتاب وچ موجود وسیبی تے مزاحمتی تریخ اُتے روشنی پائی ہوراں مقرریناں وچ رانا ناصر خان پنجابی حافظ نٹار احمد قادری پنجابی ،ڈاکٹر ضابر ہیڈ ماسٹر گورنمنٹ سپیشل ایجوکیشن سنٹر گوجر خان، شاہد ڈار ہیڈ ماسٹر گورنمنٹ سپیشل ایجوکیشن سنٹر گجرات، نوجوان سکالر، دانشور پروفیسر طلال ہاشمی،صوفی بزرگ محمد حنیف حنفی، ذیشان خان راندو پنوار راجپوت نے راجپوت پنجابی بیٹھک دی نمائندگی کیتی۔ساریاں مقرریناں نے محمد حسنین بھٹی دی کتاب’’کوک پاکستان کوک‘‘ دی وسیبی تے مزاحمتی تریخ اُتے بھرپور گل کیتی تے آکھیاکہ مصنف نے 6ورھیاں وچ 500 تریخی کتاباں دا مطالعہ کرکے 35 پنجابی صوفی شاعراں دے کلام تے اونہاں دے حالات زندگی تے وسیبی و مزاحمتی وچار بیان کر کے ایہ کتاب مرتب کیتی اے۔ ایپکا ڈسٹرکٹ جہلم دے صدر و نائب صدر ،ایپکفا دے جوائنٹ سیکرٹری سلطان احمد گولڑوی ،وقاص راجپوت، میجر محمد رفیق، محمد علی ہیڈ ماسٹر گورنمنٹ سپیشل ایجوکیشن سنٹر چوہ آ سیدن شاہ نے مکھ وکھالی اکٹھ وچ بھرپوررَلت کر کے اکٹھ دی رونق ودھائی۔ اکٹھ وچ موجود رَلتیاںنے ہتھاں وچ کتاب’’کوک پاکستان کوک‘‘پھڑ کے مُکھ وکھالی کیتی تے آخر وچ ویڑھا پیر محمد شاہ دے چئیرمین پیرزادہ سید حامد شاہ بخاری نے کوک پاکستان کوک دے مصنف محمد حسنین بھٹی نوںو سر اُتے پگ رکھ کے اکٹھ دا اختتام کییتا۔