شیخ رشید دے بلو رانی والے الفاظ ایف آئی آر وچ کیتھے نیں؟اسلام آباد ہائیکورٹ

اسلام آباد(بیورورپورٹ)اسلام آباد ہائی کورٹ نے شیخ رشید احمدخلاف مقدمہ خارج کرن دی درخواست اُتے فیصلہ محفوظ کرلیا۔ہائی کورٹ وچ شیخ رشید خلاف اک ہی الزام اُتے سندھ ، اسلام آباد تے ہوراں شہراں وچ درج کئی مقدمیاں خلاف کیس دی سماعت ہوئی۔جسٹس طارق محمود جہانگیری نے استفسارکیتا کہ ایہ بلورانی والے الفاظ ایف آئی آر وچ نہیںکیا؟ ایس وچ مدعی کون اے،ایف آئی آر وچ بلورانی تے ہور لفظ نہیں ، بس ایہ لکھیا اے کہ بلاول بھٹوخلاف غلیظ تے غلط الفاظ بولے گئے، جیہڑے الفاظ رپورٹ وچ دسے اوہ ایف آئی آر وچ نہیں، آئی جی سندھ تے پراسیکیوٹر جنرل سندھ نے کیتھوںایہ الفاظ لئے، تفتیشی صاحب دسن ایہ بلو رانی والے الفاظ کیتھے نیں، ثابت کرن کہ غیر اخلاقی کیہ اے،ایف آئی آر تے161دسن ،ایہ وقوعہ ہی اسلام آباد وچ ہویا اے، بیان ایتھے دتا مقدمہ کراچی وچ کسیطرح؟ بے نظیر بھٹو راولپنڈی وچ شہید ہوئیاں،کراچی وچ مقدمہ ہوئے گا کیاتفتیشی افسر نے دسیا کہ یو ایس بی موجود اے،یوٹیوب اُتے ویڈیو موجود اے،9 لکھ توں وَدھ ویوز نیں۔عدالت نے فیصلہ محفوظ کرلیا۔واضح رہے کہ شیخ رشید احمد نے تھانہ موچکو ، لسبیلہ تے اسلام آباد وچ درج مقدمیاں دے اخراج دی درخواست دائر کررکھی اے۔