ہائی کورٹ نے چیئرمین پی ٹی آئی دی 9 مقدمیاں وچ ضمانت مسترد کرن دا فیصلہ کالعدم قرار دے دتا

چیئرمین پی ٹی آئی دی سیشن عدالت وچ ضمانت دیاں 6 درخواستاں ،انسدادِ دہشت گردی دی عدالت وی وی3 ضمانت دیاں درخواستاں بحال

اسلام آباد(بیوروروپورٹ)اسلام آباد ہائی کورٹ نے پاکستان تحریکِ انصاف دے چیئرمین دی9 مقدمیاں وچ ٹرائل کورٹ نال ضمانت دیاں درخواستاں مسترد کرن دا فیصلہ کالعدم قرار دے دتا۔پیر نوں عدالتِ عالیہ نے چیئرمین پی ٹی آئی دی عدم پیروی اتے مسترد درخواستاں بحال کر دتیاں۔انسدادِ دہشت گردی دی عدالت تے3 سیشن کورٹس نے 6 درخواستاں مسترد کیتیاں سن ۔اسلام آباد ہائی کورٹ نے فیصلے وچ آکھیا کہ ساریاں درخواستاں متعلقہ ٹرائل کورٹس وچ بحال تصور ہون گیاں ۔ چیئرمین پی ٹی آئی دی سیشن عدالت وچ ضمانت دیاں6 درخواستاں جدکہ انسدادِ دہشت گردی دی عدالت وچ وی3 ضمانت دیاں درخواستاں بحال ہو گئیاں۔واضح رہے کہ9 مئی دے واقعات، جوڈیشل کمپلیکس وچ توڑ پھوڑ کیس، توشہ خانہ رسید جعل سازی مقدمہ تے دفعہ 144 دی خلاف ورزی دی ضمانت دیاں درخواستاں مسترد ہویاں سن ۔چیئرمین پی ٹی آئی دی اقدامِ قتل دے مقدمے وچ ضمانت دیاں درخواستاں وی مسترد ہویاں سن۔ٹرائل کورٹس نے چیئرمین پی ٹی آئی دی ضمانت دیاں درخواستاں عدم پیروی اتے خارج کیتیاں سن۔