وزیراعلی دی زیرصدارت اجلاس، ہائوسنگ پراجیکٹ دی اصولی منظوری

لہور(پنجابی میڈیا)وزیراعلی پنجاب مریم نواز نے’’اپنی چھت، اپنا گھر‘‘ہائوسنگ پراجیکٹ دی اصولی منظوری دے دتی۔وزیراعلی پنجاب مریم نواز دی زیر صدارت ہائوسنگ پراجیکٹ بارے خصوصی اجلاس ہویا جس وچ سینئر صوبائی وزیر مریم اورنگزیب، سینیٹر پرویز رشید،وزیر اطلاعات عظمی بخاری،ایم پی اے ثانیہ عاشق، چیف سیکرٹری، کمشنر لہور تے ہور متعلقہ حکام رَلتی ہوئے۔اجلاس وچ وزیراعلی پنجاب نوں ماڈل گھراں دی تعمیر تے ماہانہ قسط اُتے بریفنگ دتی گئی، اجلاس دے رَلتیاں نوںدسیا گیا کہ گھٹ آمدنی والے بے گھر لوکاں دی ہائوسنگ سکیم لئی 5شہراں وچ سٹیٹ لینڈ دی نشاندہی کر لئی گئی اے۔دوران اجلاس وزیراعلی پنجاب نے لہورسنے 5 وڈھے شہراں وچ 519کنال اراضی اُتے’’اپنی چھت، اپنا گھر‘‘پراجیکٹ دی اصولی منظوری دے دتی، اجلاس وچ گھراں دے نقشیاں لئی پاکستان کونسل فار آرکیٹیکٹ اینڈ ٹان پلانر نال مشاورت اُتے وی اتفاق ہویا۔مریم نوازنے’’اپنی چھت، اپنا گھر‘‘ پراجیکٹ نوں شہراں دے نیڑے لانچ کرن دی ہدایت کر دیاں ہویاں گھٹ توں گھٹ لاگت وچ بہترین گھرتیار کرن دا حکم دتا۔