لہورسنے پنجاب دے مختلف شہراں وچ 29اپریل تک طوفانی بارشاں دی پیشگوئی

لہور(پنجابی میڈیا)پی ڈی ایم اے نے صوبائی دارالحکومت سنے پنجاب دے مختلف شہراں وچ29اپریل تک گرج چمک دے نال طوفانی بارشاں تے ژالہ باری دی پیشگوئی کردتی۔ترجمان پی ڈی ایم اے نے آکھیا اے کہ 24 اپریل دی رات نوں پنجاب وچ مغربی ہواواں دا سلسلہ داخل ہو جائے گا،26 توں 29اپریل تک جنوبی پنجاب دے ضلعیاں وچ طوفانی بارشاں ہون گیاں۔ترجمان دے مطابق لہورسنے مری، گلیات، راولپنڈی، اٹک، جہلم، چکوال، منڈی بہاوالدین، گوجرانوالہ، گجرات وچ بارشاں ہون گیاں، حافظ آباد، سیالکوٹ، نارووال، قصور، اوکاڑہ، فیصل آباد تے ٹوبہ ٹیک سنگھ وچ وی بارش دا امکان اے۔پی ڈی ایم اے ترجمان نے دسیا کہ جھنگ، خوشاب، سرگودھا، میانوالی، پاکپتن تے ساہیوال وچ وی بارشاں متوقع نیں جدکہ بیشتر ضلعیاں وچ بارش دے نال ژالہ باری وی ہوئے گی۔