زہرداخدشہ: بشری بی بی داطبی معائنہ کروا کے پیر تک رپورٹ پیش کرن داحکم

اسلام آباد(بیورورپورٹ)اسلام آباد ہائی کورٹ نے بانی پی ٹی آئی دی گھر والی ولوں دائر طبی معائنے دی درخواست اُتے سماعت کر دیاں ہویاں بشری بی بی دے ٹیسٹ کروا کے طبی رپورٹ آئندہ سماعت (پیر)تک پیش کرن داحکم دے دتا۔اسلام آباد ہائی کورٹ وچ بانی پی ٹی آئی دی گھر والی بشری بی بی نوں زہر دتے جان دے خدشے اُتے طبی معائنے دی اجازت لئی درخواست اُتے سماعت ہوئی ، جسٹس میاں گل حسن اورنگزیب نے غصے دا اظہار کر دیاں ہویاں استفسار کیتا کہ ساڈھے احکامات اُتے عمل درآمد کیوں نہیں ہویا؟اسلام آباد ہائی کورٹ نے ایڈوکیٹ جنرل اسلام آبادنوں فوری سدھ لیا ۔اسلام آباد ہائی کورٹ نے ایڈووکیٹ جنرل خلاف توہین عدالت دی کاروائی دا عندیہ دیندیاں ہویاں آکھیا کہ وفاقی حکومت نوں ایڈووکیٹ جنرل ولوں عدالت دی معاونت نہ کرن اُتے دسن گے ۔