غزل

ڈاکٹر امان اللہ

تینوں سیر کراواں اُس پِنڈ دی جتھے پیار ای پیار سی ہر پاسے
خوشیاں دیاں گڈیاں اُڈدیاں سَن، جیون دی بہار سی ہر پاسے
کِسے گھر جے کوئی ویاہ ہوندا پنڈ سارا خوشی مناندا سی
سب کُڑیاں نچدیاں گاندیاں سن نالے ہار شِنگھار سی ہر پاسے
اکھیں سُرمہ، دوپٹہ ست رنگیا، نالے پھڑکے، پراندا گوٹے دا
لچکوندی ہسدی وَل کھاندی، سوہنی پنڈ دی نار سی ہر پاسے
جدوں ہاڑ دی سِخر دوپہرے نوں کھیتاں وِچ گھبرو ساہ لیندے
ہتھ چھابی بھَری سوغاتاں دی دسدی مٹیار سی ہرپاسے
ہرسال وساکھی میلے تے سج دَھج کے بھنگڑے پاندے ساں
جَد کھُسّے شِملے لِشکدے سی جیون دا خُمار سی ہر پاسے
جے پنڈ وچ کسے نُوں دُکھ آوندا سارا پنڈ سوگ مناندا سی
بوہے کُھلے چھڈ کے سب سوندے اک سُچّا ویہار سی ہرپاسے
ہتھ بنھ کے ربّا خیر منگاں اس پنڈ نوں فِر توں وسا دیویں
ایہہ جگ اُس پنڈ نوں فِر ویکھے جِتھے وسدا پیار سی ہرپاسے