پنجاب اسمبلی دی جوڈیشل کمیٹی دا بننا لاہور ہائیکورٹ وچ چیلنج

پنجاب اسمبلی دی جوڈیشل کمیٹی دا بننا لاہور ہائیکورٹ وچ چیلنج

ممبراں نوں ڈپلومیٹک پاسپورٹ بنوان لئی ہدایت دینا غیر قانونی اے: درخواست گزار، کمیٹی عدلیہ دے اختیارات ورت رہی اے، عدالت توں مکاون (کالعدم قرار دین) دی اپیل

لاہور (کورٹ رپورٹر)

پنجاب اسمبلی وچ بننے والی جوڈیشل کمیٹی نوں لاہور ہائیکورٹ وچ چیلنج کر دتا گیا اے۔ درخواست وچ موقف اپنایا گیا اے کہ ایہ کمیٹی عدلیہ دے اختیارات ورت رہی اے تے اسمبلی ممبراں نوں ڈپلومیٹک پاسپورٹ بنوان دیاں ہدایتاں دینا آئین تے قانون دے خلاف اے۔

لاہور ہائیکورٹ وچ ثنا افضل ملک نے اپنے وکیل ندیم سرور ایڈووکیٹ راہیں دائر کیتی آئینی درخواست وچ سیکرٹری پنجاب اسمبلی، سپیکر، اسمبلی دی جوڈیشل کمیٹی تے ہور متعلقہ افسراں نوں فریق بنایا اے۔

درخواست گزار دے مطابق پنجاب اسمبلی دی جوڈیشل کمیٹی دیاں کارروائیاں آئینی تے قانونی حدّاں توں باہر نیں۔ جوڈیشل کمیٹی دا پنجاب اسمبلی دے ممبراں نوں ڈپلومیٹک پاسپورٹ بنوان لئی ہدایتاں جاری کرنا وی غیر قانونی کم اے۔ درخواست گزار نے لاہور ہائیکورٹ توں اپیل کیتی اے کہ پنجاب اسمبلی دی جوڈیشل کمیٹی نوں غیر آئینی تے غیر قانونی قرار دے کے مکا (کالعدم کر) دتا جائے۔