پاکستان سمیت 8 مسلم ملکاں ولوں اسرائیلی بستیاں خلاف برطانوی پابندیاں دا خیرمقدم
اسلام آباد، عمان سعودی عرب، پاکستان، ترکیہ تے اردن سمیت 8 عرب تے مسلم ملکاں نے مقبوضہ مغربی کنارے وچ اسرائیلی بستیاں خلاف برطانیہ ولوں عائد کردیاں تجارتی پابندیاں دا خیرمقدم کیتا اے۔
سانجھے بیان وچ وزرائے خارجہ نے برطانوی حکومت ولوں اسرائیل دیاں غیرقانونی بستیاں توں درآمدات اُتے پابندی لاؤن دے فیصلے نوں سراہیا۔ اوہناں ہور مغربی ملکاں ولوں وی اسرائیلی بستیاں نال تجارتی سرگرمیاں محدود کرن دے اعلانات دا خیرمقدم کردیاں ہور ملکاں اُتے زور دِتا کہ اوہ وی ایس طرح دے اقدامات کرن۔
بیان وچ آکھیا گیا کہ مقبوضہ فلسطینی علاقوں وچ قائم اسرائیلی بستیاں غیرقانونی نیں تے انہاں خلاف مؤثر اقدامات دی لوڑ اے۔
