پٹرول، ڈیزل مہنگے کرن وچ وقفہ نہ ہویا، ریٹ ہور اُتے
پٹرول 3 روپے 5 پیسے ہور مہنگا، نویں قیمت 370 روپے 80 پیسے فی لٹر ہو گئی، ڈیزل دی قیمت وچ 5 روپے 37 پیسے دا اضافہ، لٹر 398 روپے 4 پیسے دا ہو گیا
اسلام آباد پٹرول، ڈیزل مہنگے کرن وچ وقفہ نہ ہویا، ریٹ ہور اُتے چلے گئے۔ اوگرا ولوں جاری نوٹیفکیشن دے مطابق پٹرول دی قیمت وچ 3 روپے 5 پیسے، جدویں ڈیزل دی قیمت وچ 5 روپے 37 پیسے فی لٹر اضافہ کیتا گیا۔ اضافے توں بعد پٹرول دی نویں قیمت 370 روپے 80 پیسے، جدویں ڈیزل دی قیمت 398 روپے 4 پیسے فی لٹر ہو گئی اے۔
نوٹیفکیشن دے مطابق نویں قیمتیں اج لئی مقرر کیتیاں گئیاں نیں۔ رات گئے پٹرول پمپ مالکان نے نویں قیمتیں دے مطابق پٹرولیم مصنوعات دی فروخت شروع کر دِتی۔
