غیر قانونی حراست انسانی حقوق دی خلاف ورزی اے: بیرسٹر گوہر

پشاور (مانیٹرنگ ڈیسک) تحریک انصاف دے چیئرمین بیرسٹر گوہر نے آکھیا اے کہ سیاسی رہنماواں نوں غیر قانونی حراست وچ رکھنا انسانی حقوق دی خلاف ورزی اے۔

بونیر وچ میڈیا نال گل بات کردیاں بیرسٹر گوہر نے آکھیا کہ اسی سیاسی اختلافات دا حل مذاکرات تے سیاسی طریقے نال کڈھن اُتے یقین رکھدے آں۔ ساڈا مینڈیٹ کھوہ لیا گیا، سیٹاں کھوہ لئیاں گئیاں۔ بانی پی ٹی آئی تک رسائی، ذاتی معالج تے اہلِ خانہ نال ملاقات ساڈا بنیادی مطالبہ اے۔

چیئرمین پی ٹی آئی نے مزید آکھیا کہ سپریم کورٹ دا 18 اگست والا فیصلہ ہن تک عمل درآمد دا منتظر اے، جدکہ پشاور ہائی کورٹ نے حبسِ بے جا دے کیس نوں لارجر بینچ دے سامنے پیش کرن دا حکم دتا اے۔ لوکاں نوں ضمانت ملن دے باوجود حراست وچ رکھنا انصاف دا قتل اے۔ ذاتی مفادات تے انا دی خاطر لوکاں نوں جیل وچ رکھنا جمہوریت لئی خطرہ اے۔

بیرسٹر گوہر نے آکھیا کہ وزیراعلیٰ خیبر پختونخوا تے سپیکر حبسِ بے جا وچ نیں۔ جنید اکبر تے ڈاکٹر امجد نوں چُک کے لے جان توں بعد ہن تک اوہناں بارے کوئی معلومات نہیں مل سکیاں۔