وزیراعلی پنجاب عثمان بزدار نے اورنج لائن دا افتتاح کر دتا

لہور(پنجابی میڈیا گروپ)لہور وچ لمبیاں اُڈیکاں توں بعد وزیراعلی پنجاب عثمان بزدار نے اورنج ٹرین دا افتتاح کر دتا، زندہ دلان لئی کل توں کھولن دا پلان اے۔ تقریب وچ عاصم سلیم باجوہ تے چینی افسراں وی رلت کیتی۔افتتاحی تقریب نال وزیراعلی پنجاب عثمان بزدار نے آکھیا کہ عالمی منظر نامے وچ تبدیلی دے باوجود پاک چین دوستی مزید مضبوط ہوئی، سیاسی تعصب توں بالاتر ہو کے ماضی دے منصوبے مکمل کر رہے نیں، اورنج لائن ٹرین نال عالمی معیار دی سفری سہولیات ملن گیاں۔ پنجاب حکومت15ارب روپے دی سبسڈی دیوے گی۔اورنج ٹرین منصوبے وچ27کلومیٹر ٹریک اُتے 26اسٹیشنز بنائے گئے نیں۔ ڈیرہ گجراں نال علی ٹان تک ٹرین چلے گی جس دا کرایہ40روپے مقرر کیتا گیا اے۔24ایلی ویٹیڈ ،2انڈر گرانڈ اسٹیشن بنائے گئے نیں۔ ٹرین صبح ساڑھے7 وجے توں شام ساڑھے8 وجے تک چلے گی۔