سرمایہ کاراں دا اعتماد بحال، سٹاک مارکیٹ وچ زبردست تیزی ریکارڈ

کاروباری ہفتے دے تیجے دن کاروبار دے شروع وچ سٹاک ایکسچینج وچ تیزی ویکھن وچ آئی، 600 توں ودھ پوائنٹس دے وادھے نال پاکستان سٹاک مارکیٹ وچ ہنڈرڈ انڈیکس اک لاکھ 63 ہزار 558 پوائنٹس دی سطح اُتے پہنچ گیا۔

ٹریڈنگ دے دوران سٹاک مارکیٹ وچ کاروبار دا مثبت رجحان برقرار رہا جس پاروں کاروباری دن دے آخر اُتے ہنڈرڈ انڈیکس 1934 پوائنٹس وادھے نال اک لاکھ 64 ہزار 831 پوائنٹس دی سطح اُتے بند ہویا۔

سٹاک مارکیٹ وچ اج 16 ارب 8 کروڑ 91 ہزار 532 روپے مالیت دے 17 کروڑ 25 لاکھ 25 ہزار 351 شیئرز دا لین دین ہویا۔

واضح رہے کہ پچھلے کاروباری دن دے آخر اُتے سٹاک ایکسچینج وچ ہنڈرڈ انڈیکس اک لاکھ 62 ہزار 896 پوائنٹس دی سطح اُتے بند ہویا سی۔