“بلوچستان وچ سکیورٹی فورسز دا آپریشن: 7 دہشت گرد ہلاک، میجر سمیت 5 فوجی جواناں دی شہادت”
سکیورٹی فورسز دی بلوچستان وچ “فتنہ الہندوستان” دے خلاف کارروائی وچ 7 دہشت گرد ہلاک تے میجر سمیت 5 جوان شہید ہو گئے نیں۔ پاک فوج دے شعبہ تعلقات عامہ (آئی ایس پی آر) دے مطابق، سکیورٹی فورسز نے انٹیلی جنس دی بنیاد اُتے بلوچستان دے ضلع بارکھان وچ آپریشن کیتا تے اک شرپسند گروہ دا کھوج لا کے اوہنوں نشانہ بنایا۔
ترجمان پاک فوج نے دسیا کہ کارروائی دے دوران فائرنگ دے تبادلے وچ فتنہ الہندوستان دے 7 دہشت گرد جہنم واصل ہوئے، جدکہ میجر سمیت 5 جوان وطن توں قربان ہو گئے۔
شہید ہون والیاں وچ میجر توصیف احمد بھٹی، نائیک فدا حسین، سپاہی سہیل احمد، سپاہی ذاکر حسین تے سپاہی محمد ایاز شامل نیں۔ ہلاک ہون والے دہشت گرداں دے قبضے توں اسلحہ، گولہ بارود تے دھماکا خیز مواد وی برآمد ہویا اے۔
ترجمان پاک فوج دا مزید آکھنا سی کہ “ویژن عزم واستحکام” دے تحت پاکستان دی سکیورٹی فورسز ملکی سرحداں دے دفاع لئی تیار نیں، تے علاقے وچ موجود بھارتی حمایت یافتہ عناصر دے خاتمے لئی کلیئرنس آپریشن جاری رہن گے تا کہ باہرلی سرپرستی وچ ہون والی دہشت گردی نوں جڑ توں مکایا جا سکے۔
