جعفر ایکسپریس دے سکیورٹی اہلکاراں دی ٹرالی پٹری توں لہہ گئی، 5 جنے زخمی
جعفر ایکسپریس دی سکیورٹی اُتے تعینات پولیس اہلکاراں دی ٹرالی نوں حادثہ پیش آیا اے، جیہدے نتیجے وچ 5 اہلکار زخمی ہو گئے نیں۔ اے حادثہ ہمایوں شریف دے نیڑے ریلوے ٹریک اُتے گشت (پٹرولنگ) دے دوران پیش آیا، جدوں سکیورٹی اہلکاراں دی ٹرالی اچانک پٹری توں تھلے لہہ گئی۔
پولیس دے مطابق، اے حادثہ پٹرولنگ ٹرالی دا ایکسل ٹوٹن پاروں ہویا۔ حادثے وچ زخمی ہون والے پنجے اہلکاراں نوں فوراً سول ہسپتال پہنچا دتا گیا اے۔ واقعے توں فوراً بعد پولیس دی نفری تے ریلوے دے افسر موقعے اُتے پہنچ گئے تے ضروری کارروائی شروع کر دتی اے۔
