پاکستان دی فشریز برآمدات وچ تریخی وادھا، سالانہ ہدف ڈیڈھ مہینا پہلے حاصل۔
پاکستان دی فشریز برآمدات وچ رواں مالی سال دے دوران تریخی وادھا ریکارڈ کیتا گیا اے تے برآمدات دا سالانہ ہدف مالی سال مکنے توں ڈیڈھ مہینا پہلے ہی حاصل کر لیا۔
ذرائع دے مطابق پاکستان دی فشریز برآمدات 50 کروڑ ڈالر توں ودھ چکیاں نیں جدکہ جون وچ مالی سال دے انت تیکر مجموعی سی فوڈ برآمدات 80 کروڑ ڈالر تیکر اپڑن دا امکان اے، پچھلے مالی سال دے دوران فشریز برآمدات لگ بھگ 40 کروڑ ڈالر رہیاں سن۔
ذرائع دا کہنا اے کہ ایس سال وی پاکستان دی سب توں وڈی سی فوڈ مارکیٹ چین رہی جدکہ تھائی لینڈ، جاپان تے یورپی یونین وچ بھی پاکستانی مچھلی دی برآمدات وچ نمایاں وادھا ویکھن وچ آیا۔ ایس توں وکھ یو اے ای تے وسط ایشیائی ملکاں وچ پاکستانی سی فوڈ دی منگ وچ چوکھا وادھا ریکارڈ کیتا گیاے۔
وزارتِ بحری امور دے مطابق جولائی توں دسمبر تیکر فشریز برآمدات وچ 21 اعشاریہ 6 فیصد وادھا ریکارڈ کیتا گیا جدکہ جمی ہوئی (منجمد) مچھلی نوں سب توں وڈی برآمدی کیٹیگری متھیا گیاے۔
