شمالی وزیرستان وچ سکیورٹی فورسز دی وڈی کامیابی، خارجی سرغنہ سمیت 4 دہشتگرد ہلاک
شمالی وزیرستان: سکیورٹی فورسز نے شمالی وزیرستان وچ آپریشن دے دوران 4 دہشت گرداں نوں ہلاک کر دتا اے۔
سکیورٹی ذرائع دا دَسنا اے کہ سکیورٹی فورسز نے شمالی وزیرستان دے علاقے سپن وام وچ انٹیلیجنس بیسڈ (خفیہ اطلاع اُتے) آپریشن کیتا، جس دوران دہشت گرد سرغنہ عمر عرف جان میر سمیت 4 دہشت گرد مارے گئے۔
سکیورٹی ذرائع دے مطابق دہشت گرد عمر عرف جان میر نے سپن وام وچ بوبالی مسجد دے آلے دوالے زمین دے تھلے بنکر، سرنگاں تے بارودی جال بچھا رکھیا سی۔
سکیورٹی ذرائع دا ہور کہنا اے کہ خارجی سرغنہ عمر عرف جان میر دے سر دی قیمت 30 لکھ روپے مقرر سی، تے ہلاک ہون والا ایہ دہشت گرد سکیورٹی فورسز تے شہریاں اُتے ہوندے دہشت گرد حملیاں دا ماسٹر مائنڈ سی۔
