کراچی دے بنیادی انفراسٹرکچر نوں بہتر بنان لئی 10 ارب روپے توں ودھ دی منظوری دے دتی گئی اے۔
کراچی: وزیراعلیٰ سندھ نے کراچی دے بنیادی انفرا اسٹرکچر نوں بہتر بنان لئی 10 ارب روپے توں ودھ دی منظوری دے دتی اے۔
وزیراعلیٰ مراد علی شاہ دی صدارت وچ کراچی میگا ڈویلپمنٹ پروجیکٹس بارے اک اجلاس ہویا، جس وچ شہر وچ ٹریفک دی روانی، سڑکاں دی بحالی تے ٹرانسپورٹ دے نظام سمیت 10 وڈے منصوبیاں دا جائزہ لیا گیا۔
ترجمان وزیراعلیٰ ہاؤس دے مطابق، مراد علی شاہ نے فنڈز منظور کردیاں ہدایت کیتی اے کہ کراچی دے ترقیاتی منصوبے ویلے سر (بروقت) مکمل کیتے جان۔
میئر کراچی مرتضیٰ وہاب نے عظیم پورہ توں لانڈھی مرتضیٰ چورنگی تیکر متبادل کوریڈور منصوبے بارے بریفنگ دتی۔ اوہناں نے دسیا کہ ایس منصوبے اُتے 58 کروڑ 20 لکھ روپے لاگت آئے گی، جس نال رہائشی علاقیاں توں ٹریفک دا دباؤ گھٹ ہو جائے گا۔ وزیراعلیٰ نے وزیر بلدیات نوں آکھیا کہ ایہ منصوبہ منظوری لئی فوراً پیش کیتا جائے۔
وزیراعلیٰ مراد علی شاہ دا کہنا سی کہ کراچی دی ودھدی ہوئی آبادی تے ٹریفک دے دباؤ نوں دیکھدیاں ہویاں مربوط منصوبہ بندی تے ترقیاتی کماں وچ تیزی لیانا بہت ضروری اے۔
