شاہراہِ بھٹو گیم چینجر منصوبہ، ایسے مہینے شہریاں لئی کھول دیاں گے: شرجیل میمن
سینئر صوبائی وزیر شرجیل انعام میمن نے آکھیا اے کہ کراچی دے میگا پراجیکٹس نوں چھیتی توں چھیتی مکمل کرنا ساڈی ترجیح اے، ایسے مہینے دے آخر وچ شاہراہِ بھٹو نوں شہریاں لئی کھول دتا جاوے گا۔ پریس کانفرنس کردیاں ہوئیاں شرجیل میمن دا کہنا سی کہ ٹریفک مسئلیاں دے حل وچ شاہراہِ بھٹو گیم چینجر منصوبہ ثابت ہوئے گی، شاہراہِ بھٹو موٹر وے ایم 9 نوں سدھا (ڈائریکٹ) کنیکٹ کرے گی۔
شرجیل انعام میمن نے ہور آکھیا کہ صدرِ مملکت آصف علی زرداری دے نال چین دا دورہ کیتا، دورہِ چین وچ صدر آصف زرداری نوں بہت کامیابیاں ملیاں۔
منشیات صرف سندھ نہیں پورے پاکستان دا مسئلہ اے، انمول عرف پنکی معاشرے وچ زہر ویچ رہی سی۔ منشیات پورے پاکستان دا مسئلہ اے، پنکی زہر ویچ رہی سی۔ سینئر صوبائی وزیر شرجیل انعام میمن دا کہنا سی کہ منشیات بہت وڈی لعنت اے، منشیات دے خلاف ہمیشہ مہم چلائی، منشیات دے خاتمے لئی سب نوں کردار ادا کرنا ہوئے گا۔
شرجیل میمن نے آکھیا کہ ڈرگ ڈیلر دی گرفتاری تے اداریاں دی تعریف کرنی چاہیدی اے، وزیرِ داخلہ نے نوٹس لے کے پولیس اہلکاراں نوں معطل کیتا، ساڈی کمی کوتاہی نوں سامنے لیاؤ، اسیں جوابدہ آں۔
اوہناں آکھیا کہ دنیا دے وڈے ملکاں وچ وی منشیات دا مسئلہ اے، منشیات دے خلاف سندھ بھر وچ کارروائیاں ہو رہیاں نیں، فریال تالپور نے آکھیا اے کہ سندھ وچ منشیات دے خلاف کریک ڈاؤن کرو۔ سینئر صوبائی وزیر نے ہور آکھیا کہ اسیں ہر حال وچ منشیات دا خاتمہ کراں گے، سندھ نوں منشیات توں پاک کرنا ساڈی ذمہ داری اے جس نوں پورا کراں گے۔
