باہرلے ملکاں توں پاکستان دے خلاف پروپیگنڈا مہم بے نقاب کر دتی: عطا تارڑ
وفاقی وزیرِ اطلاعات عطا اللہ تارڑ نے آکھیا اے کہ باہرلے ملکاں توں پاکستان دے خلاف اک جڑی ہوئی منفی پروپیگنڈا مہم بے نقاب کر دتی گئی اے۔ سماجی رابطے دی ویب سائٹ “ایکس” (ٹویٹر) تے اپنے بیان وچ وفاقی وزیرِ اطلاعات عطا اللہ تارڑ نے آکھیا کہ گمراہ کرن والیاں خبراں تے ناں نہاد ذریعاں نال کنفیوژن پھیلان دی کوشش کیتی جا رہی اے۔
اوہناں نے آکھیا کہ پاکستان دے خطے وچ امن دے کردار نوں مشکوک بنان دی ماڑی سازش کیتی جا رہی اے، پر معتبر پاکستانی میڈیا تے فیکٹ چیک فورمز نے اس پروپیگنڈے نوں رد کر دتا اے۔
عطا تارڑ نے آکھیا کہ امن دے دشمن پاکستان دی دہشت گردی دے خلاف کامیاب کاروائیاں توں ڈرے ہوئے نیں، پاکستان خطے وچ پائیدار امن تے دہشت گردی مکاون لئی پکا ارادہ رکھدا اے۔
