“بھارتی اداکار دلیپ راج دل دا دورہ پین پاروں انتقال کر گئے نیں۔”
بھارتی اداکار تے پروڈیوسر دلیپ راج دل دا دورہ پین نال 47 سال دی عمر وچ فانی دنیا نوں چھڈ گئے نیں۔
بھارتی میڈیا دیاں رپورٹاں دے مطابق، ریاست کرناٹکا دی انٹرٹینمنٹ انڈسٹری (کناڈا انڈسٹری) دے مشہور اداکار دلیپ راج نوں اج سویرے اچانک سینے وچ تکلیف ہوئی، جس توں بعد اوہناں نوں ہسپتال لے جایا گیا۔
رپورٹاں وچ دسیا گیا اے کہ اداکار نوں اوہناں دے گھر وچ ای دل دا دورہ پیا سی، ہسپتال پہنچ کے علاج دے دوران اوہ دم توڑ گئے۔ دلیپ راج دی اچانک موت دی خبر نے پوری انڈسٹری تے اوہناں دے چاہن والیاں نوں صدمے وچ پا دتا اے۔
دلیپ راج نے “میلانا”، “یو ٹرن” تے “آرکسٹرا میسور” ورگیاں مشہور فلماں وچ کم کیتا، تے اوہناں نے کئی ڈرامیاں وچ وی اپنی اداکاری دے جوہر وکھائے۔
