اپوزیشن تحریک نال نمٹن دی تیاری، وزیراعظم دا اتحادی جماعتاں لئی ظہرانہ

اسلام آباد(پنجابی میڈیا گروپ)حکومت مخالف بیانیے تے اپوزیشن تحریک نال نمٹن لئی حکمت عملی دی تیاری لئی وزیراعظم ولوں اتحادی جماعتاں لئی ظہرانے دا اہتمام کیتا گیا۔
وزیراعظم عمران خان ولوںاتحادی جماعتاں دتے گئے ظہرانے وچ ایم کیو ایم، جی ڈی اے، بی اے پی دا وفد شریک اے، شیخ رشید وی وزیراعظم دے ظہرانے وچ موجود نیں، ظہرانے وچ موجودہ سیاسی صورتحال تے اپوزیشن دی تحریک اُتے تبادلہ خیال کیتا جائے گا۔پرویز الہی، طارق بشیر چیمہ سمیت ق لیگ دے ارکان اسمبلی نے وزیراعظم دے ظہرانے وچ رلت نہیں کیتی۔ وفاقی وزیر طارق بشیر چیمہ دا کہنا سی مسلم لیگ ق دی قیادت دے تحفظات نیں، ہمارے تحفظات دا ازالہ نہیں کیتا گیا، فیصلہ سازی دے کسی عمل وچ شریک نہیں کیتا گیا، مشاورت کیتی جاندی اے نہ ای کسی فیصلے اُتے اعتماد وچ لیتا جاندا اے۔طارق بشیر چیمہ دا آکھنا سی وزیراعظم ہر ہفتے لہور آندے نیں کدی مشاورتی عمل وچ رلت نہیں کیتا، ق لیگ وزیراعظم لئی اہم نہیں تے فیر ظہرانے وچ جا کے کیہ کرنا، لوکل باڈیز ایکٹ تے اوس نال جڑے اقدامات وچ اعتماد وچ نہیں لیتا گیا، کساناں دے معاملات اُتے وی اعتماد وچ نہیں لیتا گیا۔