دل دریا پاکستان ر دا ورھے وار تنظیمی اجلاس تے کُل پنجاب نعتیہ مشاعرہ

رپورٹ: عبدالرحمٰن ڈار

دل دریا پاکستان رجسٹرڈ پنجابی، زبان ، رہتل تے ادب لئی کم کرن والیاں تنظیماں وچ اپنا اک مقام بنا چکی اے۔ دل دریا پاکستان گجرات توں علی احمد گجراتی ہوراں دی سربراہی وچ چلائی جان والی تنظیم اے جو کہ پورے پنجاب وچ اپنی خدمات سر انجام دے رہی اے۔ ہر سال دی طرح ایس سال وی دل دریا پاکستان دا ورھے وار تنظیمی اجلاس ہویا جیہدے نال 12 ربیع الاول دی مناسبت نال نعتیہ مشاعرے دا پربندھ وی کیتا گیا۔ اکٹھ دا آہر ڈیرہ محمد شوکت ڈار عالم چوک گجرانوالہ وچ کیتا گیا۔

اجلاس دی صدارت مہان پنجابی سیوک پروفیسر ڈاکٹر عامر ظہیر بھٹی (نمل یونیورسٹی اسلام) سرپرستِ اعلیٰ دل دریا پاکستان رجسٹرڈ ہوراں کیتی۔مشاعرے دی صدارت سیف اللہ باجوہ(حافظ آباد)سرپرست دل دریا پاکستان رجسٹرڈ ہوراں نے کیتی۔ اس موقع تے گزرے سال وچ تنظیم دے کام کاج دا ویروا کیتا گیا تے اگلے سال لئی تنظیمی عہدیداراں دا چنائو کیتا گیا۔ آن والے سال واسطے تنظیم دے کم کاج وی متھے گئے۔محمد شوکت ڈار مقصود یاور تے مرزا سیف اللہ ساجد ہوراں پروگرام دی مجمانی کیتی۔علی احمد گجراتی ہوراں پروگرام دی نقابت کیتی۔اچیچے پروہنیاں وچ پروفیسر ادریس چیمہ اسلام آباداعظم علی اعظم سرگودھا ریاض ارمان جلالپور بھٹیاںزین جٹ کنگن پور قصورعلی احمد گجراتی ،اسد عباس راز، تنویر دانش گجرات ہوراں دے ناں شامل سن۔

آدری پروہنیاں وچ خبیب احمد، عادل بادشاہ راہوالی کینٹ۔عصمت اللہ سیکھو۔جاوید ساگر۔ رمضان جانی۔طارق فیاضی۔گوہر علی گوہر۔اسلم ہیرا۔انعام اللہ ناصر مان۔امتیاز قیس چٹھہ۔ادریس فنکار۔لیاقت قندیل گجرانوالا دے ناں شامل سن۔ پروفیسر ڈاکٹر عامر ظہیر بھٹی صاحب تے پروفیسر ادریس چیمہ صاحب نے پنجابی زبان بارے بھرویں گل بات کیتی۔ پنجابی زبان دی سیوا تے راکھی واسطے تنظیمی کردار نوں مزید بہتر کرن تے زور دتا گیا۔