صحت اتے سیاست کرنا ن لیگ داوطیرہ رہیا اے ، ڈاکٹر شہباز گل

اسلام آباد (ٍُبیورورپورٹ ) وزیراعظم دے معاون خصوصی ڈاکٹر شہباز گل نے آکھیا اے کہ صحت اتے سیاست کرنا ن لیگ داوطیرہ رہیا اے۔خرابی صحت دا بہانہ کرکے میاں نوازشریف مفرور ہوئے تے اج نکے میاں وی کمردرد دا بہانہ کر رہے نیں۔ترجمان مسلم لیگ (ن) مریم اورنگزیب دے بیان اتے ردعمل دیندیاں ہویاں اوہناں نے آکھیا اے کہ جدوں نوازشریف خرابی صحت دابہانہ کرکے لندن مفرور ہوئے سن ایس ویلے وی مریم اورانگزیب دے بیانات ایسی طرز دے سن۔ سرکار نوں نوازشریف دی بیماری دا ذمہ دار ٹھہرایا جارہیا سی اج میاں نوازشریف نہ صرف بھلے چنگے نیں بلکہ ریاست دے خلاف زہر اگلن وچ مصروف نیں۔ ہن نکے میاں شہبازشریف دا کمر درد وی صرف احتساب دے ویلے ہوندا اے۔