چیف جسٹس لہور ہائی کورٹ نے اپنے سنے ساریاں ججاں دے استقبال دی تقریبات اتے پابندی لگا دتی
لہور (سٹی رپورٹر) چیف جسٹس لہور ہائی کورٹ نے اپنے سنے ساریاں ججاں دے استقبال دی تقریبات وچ گل پاشی کرن تے میوزیکل پروگرام کرن اتے پابندی لگا دتی اے۔ ایس سلسلہ وچ لہور ہائیکورٹ دی طرفوں سارے ڈسٹرکٹ ججاں نوں اک مراسلہ دے ذریعے آگاہ کردتا گیا اے۔ کہ جدوں وی چیف جسٹس لہور ہائی کورٹ تے دیگر جسٹس صاحبان سرکاری دورہ تے عدالتاں دی انسپکشن لئی کسی ضلع وچ جان تے ایہناں دا استقبال صرف ڈسٹرکٹ جج سینئر ایڈیشنل سیشن جج تے سینئر سول ججز کرن جدکہ ایس دوران باقی سارے ایڈیشنل سیشن ججز سول ججز تے جوڈیشل مجسٹریٹس اپنی عدالتاں وچ مقدمات دی سماعت تے کم جاری رکھن۔
