شہباز شریف اتے عوام دی خدمت کرن دی فرد جرم عائد ہوئی،مریم اورنگزیب

اسلام آباد (بیورو رپورٹ) پاکستان مسلم لیگ(ن) دی ترجمان مریم اورنگزیب نے آکھیا اے کہ شہباز شریف اتے عوام دی خدمت کرن دی فرد جرم عائد ہوئی،آٹا، چینی چوراں اتے ہن تیک کوئی فرد جرم عائد نہ ہو سکی۔ پارٹی صدر تے قائد حزب اختلاف شہباز شریف اتے فرد جرم عائد کرن اتے ردعمل دیندیاں ہویاں مریم اورنگزیب ہوراں نے آکھیا کہ فرد جرم بی آر ٹی دے 126 ارب دے کھڈیاں اتے عائد کیوں نہیں ہوندی۔فرد جرم فارن فنڈنگ کیس، 23 خفیہ اکاؤنٹس اتے کیوں عائد کیوں نہیں ہوندی؟ ہیلی کاپٹر، مالم جبہ، بلین ٹری سونامی کیس وچ فرد جرم کیوں عائد نہیں ہوندی؟ عوام شہباز شریف اتے نیب نیازی گھٹ جوڑ دا فرد جرم عائد کرن نوں رد کردتی اے۔ شہبازشریف اتے فرد جرم لگانا ضروری اے کیونکہ سلیکٹڈ ٹولہ ہر محازاتے نکام ہوچکیا ے۔