پی آئی اے دے ساڑھے تن ہزار ملازمین نوں گھر بھیجنے لئی پلان تیار

اسلام آباد (بیورو رپورٹ) پی آئی اے دے ساڑھے تن ہزار ملازمین نوں گھر بھیجنے لئی پلان بنا لیا گیا۔ اقتصادی رابطہ کمیٹی ملازمین دی ریٹائرمنٹ دے اخراجات دی منظوری دیوے گی۔ دستاویز دے مطابق پی آئی اے ملازمین نوں گھر بھیجنے لئی والنٹری سیپریشن سکیم تیار کیتی گئی اے، پی آئی اے نے سکیم دی مد وچ سرکار کولوں 12 ارب 87 کروڑ روپے منگ لے نیں۔ وی ایس ایس سکیم دے تحت فارغ ملازمین نوں ادائیگیاں اڑھائی سال وچ کیتیاں جان گیاں۔ والنٹری سیپریشن سکیم دے تحت ادارے دے افرادی قوت دا بوجھ گٹھ ہوے گا۔دستاویز وچ آکھیا گیا ا ے کہ ملازمین نوں گھر گلن دے نال ادارے نوں سالانہ 4 ارب 20 کروڑ روپے دی بچت ہووے گی، پی آئی اے دے 30 جہازاں لئی ملازمین دی تعداد7 ہزار 500 تیک رکھن دا پلان بنایا گیا اے۔پی آئی اے دے اک جہاز دے نال صرف 250 ملازمین ہون گے۔