پی ڈی ایم دا غیر فطری اتحاد منطقی انجام دی طرف ودھ رہیا اے : عثمان بزدار

لہور(پنجابی میڈیا گروپ)وزیراعلی پنجاب عثمان بزدار نے آکھیا اے کہ پی ڈی ایم دا غیر فطری اتحاد منطقی انجام دی طرف ودھ رہیا اے۔ غیرفطری اتحاد دی داغ بیل اپوزیشن رہنمائواں نے اپنے کرپشن دے داغ لوکان لئی پائی اے۔ وزیراعلی پنجاب عثمان بزدار نے اپنے بیان وچ آکھیا اے کہ اپوزیشن اتحاد جس عجلت وچ بنیا اے اتنی ای چھیتی دے نال ختم ہو رہیا اے۔ ماضی وچ قومی وسائل بے دردی دے نال لٹن والیاں دے چہرے قوم دے ساہمنے آشکار ہو چکے نیں۔ لٹ مار دا دور قصہ پارینہ بن چکیا اے۔ ماضی وچ قومی خزانے اتے بے دردی دے نال ہتھ صاف کیتے گئے۔ عثمان بزدارہوراں نے مزیدآکھیا اے کہ پچھلے دور وچ لٹ مار کے اپنی اپنی تجوریاں بھریاں گیاں سن۔ وزیراعظم عمران خان نے کرپشن دے وڈے وڈے بت بے نقاب کیتے نیں ۔ 22 کروڑ عوام جاندے نیں کہ اج ملک وچ شفاف ترین سرکار اے۔