گلگت دی انتخابی مہم چلان والے وزیراںنوں کوئی نہیں پُچھ رہیا: شیری رحمان

اسلام آباد( پنجابی میڈیا گروپ) پیپلز پارٹی دی رہنما شیری رحمان نے آکھیا ے کہ گلگت دی انتخابی مہم چلان والے وزرا ء نوں کوئی نہیں پچھ رہیا۔پی ڈی ایم دا ایجنڈا نااہل سرکار نوں گھرگلن دا اے۔ جمعرات دے روز نجی ٹی وی دے نال گل بات کردیاں ہویاں اوہناں نے آکھیا اے کہ بلاول بھٹو زرداری تے مسلم لیگ ن دی صدر مریم نوازدے وچکار پچھلے روز ہون والی ملاقات وچ پاکستان ڈیموکریٹک موومنٹ (پی ڈی ایم) دی تحریک توں متعلق امور زیر غور آئے تے گلگت بلتستان چنائو وچ مبینہ دھاندلی اتے گل بات کیتی گئی۔ شیریں رحمان ہوراں نے آکھیا اے کہ وفاقی وزراء اک دے بعد اک گلگت آرے نیں تے اوتھوں دی عوام دے نال اعلانات تے وعدے کر رہے نیں۔ پر ایہناں وفاقی وزرا ء نوں کوئی نہیں پچھ رہیا۔اوہناں نے آکھیا اے کہ گیلپ سروے دی کوئی اہمیت نہیں ہوندی جدکہ گلگت چنائو وچ فوج دی نگرانی دی کوئی لوڑ نہیں ہونی چاہیدی۔ جمہوریت دا حسن مہذب سیاست اے جدکہ پی ڈی ایم دا ایجنڈا نااہل سرکار نوں گھربھیجنے دا اے۔