پہلاں ورگی صورتحال ہوئی تے سکول بند کرنے پین گے: مراد راس

اسلام آباد(پنجابی میڈیا گروپ ) وزیرتعلیم پنجاب مراد راس نے آکھیا اے کہ جنہاں تعلیمی اداریاں وچ کرونا کیسز رپورٹ ہور ہے نیں ایہناں سیل کررہے آں تے جے ماضی ورغی صورتحال ہوئی تے سکول بند کرنا پین گے، تعلیمی اداریاں وچ رنڈم ٹیسٹنگ ہو رہی اے۔ بالاں تے اساتذہ دی زندگیاں زیادہ ضروری نیں۔ نجی ٹی وی دے نال گل بات کر دیاں ہویاں وزیرتعلیم پنجاب نے آکھیا کہ مارکیٹس اتے ریسٹورنٹس وچ ایس ا وپیز دی زیادہ خلاف ورزی ہورہی اے۔ کورونا کیسزوچ اضافے دی وڈی وجہ سماجی تقریبات نیں۔ ایہناں دا آکھنا سی کہ تاثر دتا جارہیا اے۔ پنجاب دے وزیر تعلیمی ادارے بند نہیں کرنا چاہ رہے ۔مراد راس نے آکھیا اے کہ موجودہ صورتحال وچ اسکول بند نہیں ہونے چاہیدے۔ مراد راس ہوراں نے مزیدآکھیااے کہ اسیں آن لائن ایجوکیشن توں مطمئن نہیں۔ آن لائن ایجویکشن وچ طلباء اساتذہ اُتے توجہ نہیں دیندے۔