مریم نواز فوج نوں سیاسی مداخلت دی دعوت دے رہی اے: شیخ رشید
راولپنڈی(پنجابی میڈیا گروپ) وزیر ریلوے شیخ رشید دا کہنا اے مریم نواز فوج نوں سیاست وچ مداخلت دی دعوت دے رہیاں نیں۔ مریم نواز دے حالیہ انٹرویو تے شیخ رشید آکھیا مریم نواز دا بیان غیر ذمہ دارانہ اے، مریم نواز فوج نوں سیاست وچ مداخلت دی دعوت دے رہیاں نیں، ایہ فوج نوں ورغلان تے پھوٹ پاؤن دی کوشش اے، ایہ کہڑے منہ نال اجہی گلاں کر رہے نیں جدوں ایہ نہ ملن دا فیصلہ کر چکے تے رابطیاں دی گلاں کیوں کر رہے نیں۔ پہلے کہندے نیں فوج سیاست وچ مداخلت نہ کرے، فیر ایسے فوج توں کہندے نیں کہ سرکار نوں ہٹاؤ تے سانوں بٹھاؤ۔ قوم نوں دسو قریبی ساتھی کون نیں تے اوہناں نال کیہ رابطہ کیتا گیا؟ وفاقی وزیر آکھیا گلگت بلتستان الیکشن دے بعد سیاست وچ ہلچل ہو گئی، 15نومبر دے بعد ایہدے توں وی ودھ غیر ذمہ دارانہ بیانات آن گے۔ ڈیڑھ توں دو مہینے وچ (ن) لیگ توں آوازاں آن گیاں پاک فوج دے نال آں۔ پوری دنیا وچ اسٹیبلشمنٹ رابطے وچ ہوندیاں نیں، فوج دے لوک (ن) لیگ ول ویکھنا وی پسند نہیں کردے، فوج نے اپنے لوکاں نوں چارج شیٹ کرکے اوہناں دی زباناں بند کیتیاں۔بھارتی سینئر سفارتکار دی دفتر خارجہ طلبی، جنگ بندی دی خلاف ورزیاں تے احتجاج
