قوم نے تبدیلی دے مزلے چکھ لئے :عظمیٰ بخاری

لہور(پنجابی میڈیا گروپ)مسلم لیگ(ن)پنجاب دی ترجمان عظمی بخاری نے عثمان بزدار تے فردوس عاشق دے بیاناں اُتے آکھیا کہ نویے پاکستان تے تبدیلی دے مزے قوم نے چکھ لیے نیں،خدا دے واسطے ساہنوں اینج دا گلگت بلتستان نہیں چاہیدا نہ گلگت دی باشعور عوام نوں چاہیدا، گلگت بلتستان وچ صرف ہر پاسے اج “شیر شیر تے شیر”ہی ہوئیگا۔ترجمان ن لیگ نے تحریک انصاف نوں تنقید دا نشانہ بنادیاں ہوئیاں آکھیا کہ تین چار مہینے پہلاں تو پی ٹی آئی داگلگت وچ نام و نشان نہیں سی، الیکشن اعلان دے بعد ساڈے لوگ توڑے گئے تے اوہناں نوں پٹے پائے گئے۔ الیکشن دےآخری دن تک ترقیاتی منصوبیاں دے اعلان ہوندے رہیے لیکن الیکشن کمیشن دے سر اُتے جوں نہیں رینگی، پورے گلگت بلتستان وچ نوازشریف تیحافظ حفیظ الرحمن دی تختیاں لگیاں نیں، حافظ حفیظ الرحمن نے نوازشریف دی قیادت وچ گلگت وچ بلاتفریق ترقیاتی منصوبیاں دا جال ویچھیا اے۔