‘بھارت پاکستان وچ بدامنی پھیلا رہیا اے:وزیر خارجہ
ملتان( پنجابی میڈیا گروپ)وزیر خارجہ شاہ محمود قریشی دا کہنا اے کہ بھارت پاکستان وچ عدم استحکام تے بدامنی پھیلارہیا اے جس دے ٹھوس ثبوت ساڈے کول موجود نیں ۔ملکی سالمیت دا معاملہ سیاست توں بالاتر اے، اکٹھیاں ہو کہ دشمن دے عزائم نوں ناکام بنانا پئے گا۔وزیرخارجہ نے پریس کانفرنس نال خطاب کردیاں آکھیاکہ بھارت نے پاکستان وچ ٹارگٹ کلنگ لئی منصوبہ تیار کیتاتے پاک چین اقتصادی راہداری نوں نقصان پہنچان لئی اک گروپ نوں80ارب روپے دتے۔ معاملے دی سنگینی بھانپتے ہوئیاں صدر مملکت عارف علوی تے وزیراعظم عمران خان نے خصوصی بیانات جاری کیتے۔
انہوں نے آکھیا کہ بھارت گلگت بلتستان وچ وی امن تے امان دی صورتحال نوں خراب کرن لئی تخریب کاراں دے ٹریننگ چلا رہیا اے، پڑوسی ملک دی ایسی سرگرمیاں عالمی قوانین دی خلاف ورزی اے۔
