گلگت بلتستان دی عوام اج روشن مستقبل دی بنیاد رکھے گے؛ شبلی فراز

اسلام آباد(پنجابی میڈیا گروپ)وفاقی وزیر اطلاعات سینیٹر شبلی فراز نے آکھیا اے کہ اج گلگت بلتستان دی عوام اپنے روشن مستقبل لئی رائے دہی دا جمہوری حق استعمال کر رہے نیں۔وفاقی وزیر اطلاعات سیینٹر شبلی فراز نے اپنے ٹویٹ وچ آکھیا کہ گلگت بلتستان دی عوام دا جذبہ ایس گل دی غمازی کردا اے کہ اوہ تبدیلی دے خواہاں نیں۔ گلگت بلتستان دی عوام اپنے ووٹ دی طاقت نال اک دہائی نال اوہناں اُتے مسلط نا اہل ٹولہ مسترد کر دین گے کیونکہ اوہناں دی ترجیح کدی عوام دی بھلائی نہیں ۔دوجے پاسے معاون خصوصی وزیراعلی پنجاب فردوس عاشق اعوان نے آکھیا اے کہ عوام اج ووٹ دی پرچی نال گلگت بلتستان وچ نویے پاکستان دی بنیاد رکھے گی ۔فردوس عاشق اعوان نے ٹویٹر پیغام وچ آکھیا کہ احساس محرومی دا خاتمہ، اختیارات دی ہیٹھلی سطح اُتے حکومت دی منتقلی اولین ترجیح اے، حقدار تک اوس دا حق پہنچاناا ولین ترجیح ہوئے گی۔ شفاف انتخابات گلگت بلتستان دی ترقی تے خوشحالی اُتے مہرثبت کرن گے۔گلگت بلتستان دی قانون ساز اسمبلی دے انتخابات اج ہو رہے نیں جس وچ عوام بھرپور جوش و خروش نال حصہ لیندے دکھائی دے رہی اے۔ الیکشن کمیشن نے اک ہزار160پولنگ اسٹیشن قائم کیتے گئے نیں جیتھے7لکھ 45ہزار361ووٹر حق رائے دہی استعمال کرن گے ،جس وچ چار لکھ پنج ہزار تین سو50مرد تے تین لکھ انتالیس ہزار نوسو بانوے عورتاں شامل نیں۔