نوجواناں نوں اقبال دا شاہین بنن دی لوڑ اے، ایڈمرل محمد امجد خان نیازی
اسلام آباد (بیورو رپورٹ) بحریہ یونیورسٹی اسلام آباد کیمپس دے زیراہتمام دو روزہ بین الاقوامی اقبال کانفرنس جاری اے ۔ ترجمان پاک بحریہ دے مطابق کانفرنس دا انعقاد علامہ اقبال دے 143ویں یوم پیدائش دے موقع اتے کیتا گیا۔کانفرنس دا موضوع “نوجواناں دی تعلیم و تربیت وچ اقبال دی قرآنی فکر دی اہمیت” اے۔ سربراہ پاک بحریہ ایڈمرل محمد امجد خان نیازی تقریب دے افتتاحی سیشن دے مہمان خصوصی سن۔ ترکی تے ایران دے سفیراں وی بطور مہمان اعزاز کانفرنس میں شریک نیں۔
امیرالبحر ایڈمرل محمد امجد خان نیازی نے بذریعہ ویڈیو لنک کانفرنس دے نال خطاب کردیاں ہویاں اقبال دے افکارتوں استفادہ حاصل کرن دی اہمیت نوں اجاگر کیتا ۔ اوہناں نے امیرالبحر نے نوجواناںنوں پیغام اقبال اتے عمل کردیاں ہویاں عاصرحاضر کے تقاضیاں دے مطابق اقبال دا شاہین بنن دی لوڑ اتے زوردتا اے۔ اوہناں نے آکھیا اے کہ سانوں اقبال دے پیغام نوں سمجھ کے ایہدے اتے عمل کرنا چاہیدا اے تاکہ سانوں مادر وطن دی ترقی وچ اپنابھرپور کردارادا کر سکن۔ کانفرنس دے نال سینیٹر ولید اقبال تے بحریہ یونیورسٹی دے ریکٹر وائس ایڈمرل کلیم شوکت نے وی خطاب کیا۔
