پیپلز پارٹی دے رہنما چودھری احمد مختار انتقال کر گئے
لہور( سٹی رپورٹر) پاکستان پیپلز پارٹی دے رہنما چودھری احمد مختار انتقال کر گئے ۔ خاندانی ذرائع نے انتقال دی خبر تصدیق کردیاں ہویاں دسیا کہ اوہ پچھلے کجھ عرصہ توں علیل سن۔ چودھری احمد مختار سال 2008 توں سال 2013 تیک وزیر دفاع رہے جدکہ اوہ مختلف وچ وزیر دفاع، وزیر پانی و بجلی تے وزیر تجارت وی رہ چکے سن۔چودھری احمد مختار دے انتقال اتے مختلف سیاسی رہنماؤواں نے اظہار افسوس کیتا جدکہ پارٹی رہنما و کارکنان نے ایہناں دے انتقال دی خبر سن کے ایہناں دے گھر پہنچنا شروع ہوگئے نیں۔ دوجے پاسے وفاقی وزیر سائنس و ٹیکنالوجی فواد چودھری نے پیپلز پارٹی رہنما مختار احمددے انتقال اتے اظہار افسوس کردیاں ہویاں آکھیا اے کہ چودھری احمد مختار دے نال سیاسی معاملات اتے بحث ہوندی سی پاکستانی سیاست وچ چودھری احمد مختار نوں یاد رکھیا جاوے گا۔
