اپوزیشن نے پارلیمانی کمیٹی اجلاس وچ شرکت نہ کرکے غیر ذمہ داری داثبوت دتا، شبلی فراز

اسلام آباد (بیورو رپورٹ)وفاقی وزیراطلاعات و نشریات سینیٹر شبلی فراز نے آکھیا اے کہ اپوزیشن نے کرونا وائرس اتے پارلیمانی کمیٹی اجلاس وچ شرکت نہ کرکے غیر ذمہ داری داثبوت دتااے۔ اپوزیشن نے واضح پیغام دتا کہ ایہناں نوں اپنی سیاست عزیز اے عوام دی جاناں نہیں۔ ہر چیز اتے سیاست نہیں کرنی چاہیدی ۔ اپوزیشن تعاون کرے تاکہ قومی ایشوز اتے معاملات مشاورت دے نال اگے ودھن۔ سرکار کرونا ورغے سنجیدہ معاملے اتے یکطرفہ فیصلے نہیں کرنا چاہندی۔ وفاقی وزیر اطلاعات شبلی فراز نے غیر ذمہ دارانہ قرار دے دتا۔اسلام آباد وچ پریس کانفرنس کر دیاں ہویاں اوہناں نے آکھیا اے کہ کرونا دی پہلی لہر نوں کامیابی دے نال شکست دتی سی۔ ساری دنیا ساڈی کرونا پالیسی نوں سراہیا ہن ایس دوجی لہر پا کستان وچ آچکی اے۔ ایہناں داآکھنا سی کہ اپوزیشن نے پارلیمانی کمیٹی اجلاس وچ شرکت نہ کرکے غیر ذمہ داری داثبوت دتا۔