صورتحال ہور تشویشناک ہوئی تے مکمل لاک ڈاؤن کر سکنے آں: ترجمان بلوچستان سرکار
کوئٹہ: ترجمان بلوچستان سرکار لیاقت شاہوانی دا کہنا اے ایس او پیز دی خلاف ورزی تے گرفتاریاں شروع کر دتیاں نیں، بلوچستان صورتحال تشویشناک ہوئی تے مکمل لاک ڈاؤن ول جا سکنے آں۔ کوئٹہ وچ پریس کانفرنس کردیاں ترجمان بلوچستان سرکار لیاقت شاہوانی دا کہنا سی کورونا دی دوجی لہر توں بالاں دے زیادہ متاثر ہون دا خدشہ اے، صوبے وچ حفاظتی اقدامات دی خلاف ورزی تے کاروائی کراں گے، ایس او پیز دی خلاف ورزی تے گرفتاریاں شروع کر دتیاں نیں، دو دن پہلاں اک وڈے شاپنگ مال نوں کورونا ایس او پیز دی خلاف ورزی تے سیل کیتا گیا۔ لیاقت شاہوانی دا کہنا سی کورونا تے قابو پاؤن لئی این سی او سی دی تجاویز تے عمل کراں گے، کسے نوں تعلیمی اداریاں بارے فیصلے دی خلاف ورزی دی اجازت نہیں دیاں گے، کورونا ایس او پیز دی خلاف ورزی تے دکاناں سیل تے مقدمے درج ہون گے، صورتحال دی سنگینی دے پیش نظر ہور فیصلے کرنے نیں، صورتحال تشویشناک ہوئی تے مکمل لاک ڈاؤن ول جا سکنے آں۔
