2سال دے دوران سیاسی اثر و رسوخ توں بالاتر ہو کے بلاامتیاز احتساب تے عمل کیتا: چیئرمین نیب
اسلام آباد: چیئرمین نیب جسٹس (ر) جاوید اقبال آکھیا اے 2سال دے دوران سیاسی اثر و رسوخ توں بالاتر ہو کے بلاامتیاز احتساب تے عمل کیتا، 363ارب روپے وصول کرکے خزانے وچ جمع کرائے۔ چیئرمین نیب دی زیر صدارت اجلاس ہویا ، ایس موقع تے جاوید اقبال دا کہنا سی زیر التوا مقدمیاں نوں منطقی انجام تک اپڑان لئی بھرپور کوششاں کیتیاں۔ نیب نے ملک توں بدعنوانی دے خاتمہ لئی آگاہی، تدارک تے انفورسمنٹ دی پالیسی اپنائی، نیب ملک توں بدعنوانی دے خاتمے لئی موثر تے فعال اقدامات کر رہیا اے،نیب انسداد بدعنوانی، سرکاری فنڈز وچ خرد برد دے کیساں تے توجہ دے رہیا اے، اختیارات توں تجاوز، منی لانڈرنگ تے دھوکہ دہی دے مقدمات تے توجہ مرکوز اے۔ جاوید اقبال دا کہنا سی 2سال دے دوران 75 ہزار 268 کرپشن شکایتاں موصول ہوئیاں، 66 ہزار 838 کرپشن شکایتاںنوں نبیڑیا گیا، 2 سال دے دوران 1240 انکوائریاں، 432 انوسیٹی گیشنز دی منظوری دتی گئی، دو سال وچ نیب نے 332 بدعنوانی دے ریفرنسز دائر کیتے جد کہ 270 دا فیصلہ ہویا۔
