وزیراعظم دے ویژن تے پنجاب حقیقی معنیاں وچ ترقی دی راہ تے گامزن: فردوس عاشق
لہور: فردوس عاشق اعوان آکھیا اے وزیراعظم عمران خان دے ویژن دے مطابق پنجاب حقیقی معنیاں وچ ترقی دی راہ تے گامزن اے۔ معاون خصوصی فردوس عاشق نے اپنے ٹویٹ وچ آکھیا کہ وزیراعلیٰ عثمان بزدار نے پنجاب اسمبلی توں دو سال وچ مفادِ عامہ لئی ریکارڈ 58بل پاس کروائے، مشکل ترین معاشی حالات دے باوجود سرکار نے پنجاب وچ 9ہسپتالاں، 7یونیورسٹیاں تے کم شروع کیتا جہڑا تکمیل دے قریب اے۔ اوہناں آکھیا عثمان بزدار دی قیادت وچ ہر شعبہ زندگی وچ بہترین لیان لئی ترجیحی بنیاداں تے کم جاری اے، صحت سہولت پروگرام، 60سال توں ودھ عمر دے بزرگاں نوں ماہانہ پنشن دی فراہمی، انصاف میڈیسن کارڈ جہے منصوبے وزیراعلیٰ پنجاب دی عوام دوستی دا ثبوت نیں، صحت دی سہولتاں دی فراہمی اولین ترجیح اے، اسیں دعویاں تے نہیں سگوں عملی اقدامات تے یقین رکھنے آں۔
