وزیراعظم دا دورہ لہور،پنجاب انتظامیہ نوں قبضہ مافیادے خلاف ایکشن لین دی ہدایت
لہور (سٹی رپورٹر )وزیراعظم عمران خان نے اپنے دورہ لہوروچ پنجاب انتظامیہ نوں ہدایت کیتی اے کہ قبضہ مافیا دے خلاف بھرپور ایکشن لیا جاوے۔ وزیراعظم نے مختلف ترقیاتی سکیماں دی بروقت تکمیل نہ ہون تے اشتہاریاں دی عدم گرفتاری تے کرائم نوں کنٹرول نہ کرن اتے وی برہمی دا اظہارکیتا۔ میڈیا رپورٹ دے مطابق وزیراعظم عمران خان دے دورہ لہور دے دوران اجلاسا ں دی اندرونی کہانی دے مطابق پنجاب وچ انتظامی معامات چنگے ہون اتے وزیراعظم نے وزیراعلیٰ عثمان بزدار تے ایہناں دی ٹیم دی تعریف کیتی۔ پنجاب وچ کفایت شعاری پالیسی اتے عملدرآمد کرن تے مہنگا ئی توں متعلق مثبت اقدام چکن اتے وزیراعلیٰ دی اک واری فیر تعریف ہوئی۔ وزیراعلیٰ نے عمران نوں بریفنگ دیندیاں ہویاں دسیا کہ ن لیگ دے متعدد رہنما تے ممبران اسمبلی ساڈے نال رابطے وچ نیں۔ مسلم لیگ ن دے 7 سینئر رہنما اپنی لیڈرشپ توں ناراض نیں۔بریفنگ وچ وزیراعظم نوں دیا گیا کہ ن لیگی سیاستداناں دے خلاف اہم ثبوت مل چکے نیں قانونی کارروائی مکمل کرے بھرپور ایکشن لیا جاوے گا۔ خیال روے کہ عمران خان ہوراں نے پچھلے روز لہور دے دورہ دے دوران اتحادیاں دینال ملاقات وی کیتی۔
