شریف خاندان مرگ اتے وی سیاست کرن توں باز نہیں آ رہیا: فردوس عاشق اعوان
لہور ( سٹی رپورٹر )معاون خصوصی اطلاعات پنجاب فردوس عاشق اعوان نے آکھیا اے کہ شریف خاندان مرگ اتے وی سیاست کرن توں باز نہیں آ رہیا۔دل پشوری کرن دے وڈے مواقع آن گے فیر جلسے کرلین۔ جلسے وچ صرف قانون دی حکمرانی ہووے گی۔ سٹیج اتے کھڑے ہو کے بھڑکاں مارن والے ریاست دی رٹ چیلنج نہ کرن۔ لہور وچ میڈیا دے نال گل با ت کردیاں ہویاں فردوس عاشق اعوان ہوراں نے آکھیااے کہ شریف فیملی جنازے دا اعلان کرے گی تے پے رول فعال ہووے گا۔ جہاز اتے سری پائے تے نہاری منگوان والے والدہ دی میت کارگو کرا رہے نیں۔اوہناں نے مزیدآکھیا یا کہ کرون انہ اپوزیشن نوں ویکھ رہیا اے نہ سرکار نوں، ایہہ واحد وباء اے جہڑی یکساں سبھ اتے لاگو اے۔فردوس عاشق اعوان داآکھنا سی کہ فردوس مارکیٹ انڈر پاس دی تعمیر دے نال عوام دا ویلا تے وسائل بچن گے ،لعل شہبازقلندرانڈرپاس لہوریاں دے دلاں نوں تقویت دیوے گا۔ اوہناں نے آکھیا اے کہ وزیراعلیٰ عثمان بزدارجو آکھدے نیں ایہوی کردے نیں۔
