چیئرمین جوائنٹ چیفس آف سٹاف کمیٹی جنرل ندیم رضا دا دورہ تاجکستان

راولپنڈی ( بیورور پورٹ ) چیئرمین جوائنٹ چیفس آف سٹاف کمیٹی جنرل ندیم رضا نے تاجکستان دے صدر امام علی رحمان سنے دیگر اعلیٰ سیاسی و عسکری قیادت دے نال ملاقاتاں کیتیاں نیں۔ جہناں وچ سیکورٹی تعاون، دو طرفہ افواج دے وچکار تعلقات نوں وسعت دین لئی عملی اقدامات اتے زور دتا گیا۔ پاک فوج دے شعبہ تعلقات عامہ (ڈی جی آئی ایس پی آردے مطابق چیئرمین جوائنٹ چیفس آف سٹاف کمیٹی جنرل ندیم رضا تاجکستان دے سرکاری دورے اتے نیں جتھے اوہناں نے دوشنبے وچ تاجک صدر امام علی رحمان دے نال ملاقات کیتی، جہدے وچ انسداد اتگردی، سیکیورٹی تعاون سنے باہمی دلچسپی دے امور اتے گل بات کیتی گئی۔ چیئرمین جوائنٹ چیفس آف سٹاف کمیٹی جنرل ندیم رضا تاجک وزیر دفاع، وزیر داخلہ تے تاجک سٹیٹ کمیٹی برائے قومی سلامتی دے چیئرمین دے نال ملاقاتاں کیتیاں۔ جہناں وچ سیکورٹی تعاون، دو طرفہ افواج دے وچکار تعلقات نوں وسعت دین لئی عملی اقدامات اتے زور دتا گیا۔ملاقاتاں وچ افغانستان دے تناظر وچ خطے دے ماحول دا وی جائزہ لیا گیا۔چیئرمین جوائنٹ چیفس آف سٹاف کمیٹی ہوراں نے آکھیا کہ پاکستان، تاجک افواج دے نال تعلقات نوں مزید سعت دینا چاہندا اے۔ تاجک قیادت نے پاکستانی مسلح افواج دی پیشہ وارانہ مہارت نوں سراہندیاں ہویاں آکھیا اے کہ ات گردی دے خلاف جنگ وچ پاکستانی افواج دی قربانیاں قابل قدر نیں۔ قبل ازیں تاجک وزارت دفاع اپرن اتے جنرل ندیا رضا نوں جی آیاں نویں آکھیا گیا۔ جتھے تاجک مسلح افواج دے چا ک وچوبند دستے نے ایہناں گارڈ آف آنر پیش کیتا۔