سرکار نے جلسے وچ رکاوٹ ڈالی تے پورے شہر وچ عوام سڑکاں تے ہون گے : رانا ثنا اللہ
لہور(بیورو رپورٹ)مسلم لیگ پنجاب دے صدر رانا ثنا اللہ نے آکھیااے کہ ملتان وچ ہرقیمت اتے جلسہ ہو کے روے گا۔ سرکار نے جلسے وچ رکاوٹ ڈالی تے پورے شہر وچ عوام سڑکاں تے ہون گے۔حکمران بدترین انتقام اتے اتر آئے نیں جلسے وچ عوام نہیں آرہے تے گرفتاریاں کیوں کر رہے نیں۔ تفصیلات دے مطابق پاکستان مسلم لیگ نون دے رہنما رانا ثنا اللہ نے میڈیا دے نال گل بات کردیاں ہویاں آکھیا اے کہ ہنی تیک شہبازشریف ،حمزہ شہبازنوں پیرول اتے رہا نہیں کیتا گیا۔ سیکریٹری داخلہ بنی گالہ توں منظوری دا انتظار کر رہیا اے۔ موجودہ حکمران اخلاقی دیوالیہ پن دا مظاہرہ کر رہے نیں۔ حکمراناں نوں کوئی شرم وحیا نہیں۔ رانا ثناء اللہ ہوراں داآکھنا سی کہ ملتان وچ ساڈے یو سی چیئرمین تے کونسلرز نوں گرفتار کیتا گیا۔ قلعہ قاسم پارک نوں نہ کھولیا تے عوام سڑکاں اتے ہون گے۔ ملتان وچ جلسہ گاہ نوں کنٹینرز لگا کے سیل کردتا گیا۔ سرکار انتقامی کارروائی دی سیاست کر رہی اے۔ مریم نواز طے شیڈول دے مطابق ملتان اپرن گے۔ کرونا دے باوجود عوام اپوزیشن تحریک دے نال ٹورن نوں تیار نیں۔
