فسطائی سرکار نے ملتان وچ جمہوری کارکنان دی گرفتاریاں دا سلسلہ جاری رکھیا ہویا اے ،بلاول بھٹو

اسلام آباد (بیورو رپورٹ)پاکستان پیپلزپارٹی دے چیئرمین بلاول بھٹو زرداری نے اپنے ٹویٹر پیغام وچ آکھیا اے کہ فسطائی سرکار نے ملتان وچ جمہوری کارکنان دی گرفتاریاں دا سلسلہ جاری رکھیا ہویا اے ۔ایہہ کٹھ پتلیاں جیالاں کولوں خوف زدہ نیں۔ جوکرنا اے کرلووے۔ 30 نومبر نوں پی ڈی ایم قائدین دے ہمراہ اپنا یوم تاسیس منان توں پیپلز پارٹی نوں کوئی نہیں روک سکدا، دوجے پاسے مرکزی سیکرٹری اطلاعات ڈاکٹر نفیسہ شاہ نے آکھیااے کہ ملتان وچ کارکناں دی گر فتاریاں کٹھ پتلی سرکار دی بوکھلاہٹ اے۔ عوامی احتساب توں گھبرائی سرکار لرز رہی اے۔ اوہناں نے مزیدآکھیا اے کہ پیپلزپارٹی دے کارکنان نوں جیل کولوں ڈرایا نہیں جا سکدا۔ سلیکٹڈ کن کھول کے سن لین عوام دی طاقت دے ساہمنے ڈکٹیٹر ڈھیر ہو جاندے نیں۔