بیگم شمیم اختردی نماز جنازہ وچ شرکت لئی شہباز شریف تے حمزہ شہباز پنج روز لئی رہا

لہور( سٹی رپورٹر ) بیگم شمیم اختردی نماز جنازہ وچ شرکت لئی قومی اسمبلی وچ قائد حزب اختلاف شہباز شریف تے پنجاب اسمبلی وچ قائد حزب اختلاف حمزہ شہباز نوں پنج روز لئی رہا کرن دا نوٹیفکیشن جاری کردتاگیا۔ محکمہ داخلہ پنجاب داآکھنا اے کہ شہباز شریف تے حمزہ شہباز دی پرول اتے رہائی اج توں یکم دسمبر تیک ہووے گی۔ پنجاب سرکار نے پاکستان پریزن رولز 1978 دے سیکشن 545 بی دے تحت رہائی دی اجازت دتی۔ایس ضمن وچ وزیر اعلی پنجاب عثمان بزدار داآکھنا اے کہ شہباز شریف تے حمزہ شہباز نوں انسانی ہمدردی دے ناطے پرول اتے رہا کیتا جارہیا اے۔ پرول اتے رہائی دے بعد شہبازشریف تے حمزہ شہباز ماڈل ٹائون یاجاتی امراء جان گے۔ بیگم شمیم اختر دی نماز جنازہ شریف میڈیکل سٹی رائیونڈ وچ ظہر دی نماز دے بعد ادا کیتی جاوے گی۔