دیامر بھاشا تے مہمند ڈیم فنڈ کیس دی سماعت، نیشنل بینک دی رپورٹ عدالت وچ جمع

اسلام آباد: دیامر بھاشا تے مہمند ڈیم فنڈ دی تعمیر بارے کیس دی سنوائی دے دوران سرمایہ کاری بارے نیشنل بینک دی رپورٹ عدالت وچ جمع کرا دتی گئی اے۔

چیئرمین واپڈا نے دسیا 2025ء توں پہلاں دیامر بھاشا ڈیم دی تعمیر ممکن نہیں، اگلے مہینے توں 24گھنٹے کم شروع ہو جاوے گا۔

جسٹس گلزار نے حکم دتا پتہ کرو، سعادت انٹرپرائزز نے ٹھیکہ لے کے اگے حسنات برادرز نوں کیویں دے دتا؟ جسٹس گلزار نے استفسار کیتا کیہ 2025توں پہلاں دیامر بھاشا ڈیم دی تعمیر ممکن اے؟ چیئرمین واپڈا جنرل ریٹائرڈ مزمل حسین آکھیا انج ممکن نہیں، کیوں جے ڈیم نوں بین الاقوامی معیار دا بنایا جا رہیا اے۔

جسٹس گلزار نے ریمارکس دتے اسیں صرف ایہ ویکھنا اے کہ تسیں کم کررہے او یاں نہیں، ایہ ڈیم ہن تسیں بنانا اے، کوئی رکاوٹ آندی اے تے سانوں دسو۔ جسٹس گلزار نے استفسار کیتا سعادت انٹر پرائزز کون نیں؟ کیہ ایہ کمیشن ایجنٹ نیں؟ چیئرمین واپڈا ایس غیر قنونی عمل نوں روکن تے ملوث بندیاں دے خلاف کاروائی کرن۔

معاملے دی رپورٹ وی اک مہینے دے اندر عدالت وچ جمع کران۔ عدالت نے ہور سماعت اک مہینے لئی ملتوی کر دتی۔