ڈھائی سال گزرن دے بعد وی ملک وچ بجلی دا بحران اے: شاہد خاقان

لہور(پنجابی میڈیا گروپ) ن لیگی رہنما پچھلے وزیراعظم شاہد خاقان عباسی نے آکھیا اے کہ ڈھائی سال گزرن دے بعد وی ملک وچ بجلی دا بحران اے۔گیس دے بل وی ودھ رہے نیں۔تفصیلات دے مطابق پچھلے وزیراعظم شاہد خاقان عباسی نے پریس کانفرنس دے نال خطاب کردیاں ہویاں آکھیا اے کہ اسیں سستے ترین پلانٹس پاکستان وچ لگائے ۔ سسٹم وچ اضافی گیس نوں شامل کیتا۔ ن لیگ دی سرکار نوں وڈا چیلنج انرجی دی صورت وچ ملیا سی۔ ساڈے دور وچ گیس دی قیمت وچ اک روپیہ وی اضافہ نہیں ہویا۔ ،سستی تے اضافی بجلی دینال ملکی جی ڈی پی وچ تن فیصد اضافہ ہویا۔ ہن گیس دی قیمت کیوں ودھی۔ سرکاری وزراء دسن توں قاصر نیں۔شاہد خاقان عباسی ہوراں نے مزیدآکھیااے کجہ سرکار ولوں مسلسل غلط بیانی ہو رہی اے۔ کرپشن د ا الزام نہیں اختیارات دے ناجائز استعمال دا الزام اے۔ این آر اودا حق آمر دے کول ہوندا اے۔ وزیراعظم دے کول نہیں۔