نیازی دی فرمائش اتے بنائے گئے کیسز مذاق بن گئے نیں، احسن اقبال

اسلام آباد (پنجابی میڈیا گروپ)پاکستان مسلم لیگ ن دے رہنما احسن اقبال نے آکھیا اے کہ نیازی دی فرمائش اتے بنائے گئے کیسز مذاق بن گئے نیں، پی ڈی ایم ایس سرکار نوں گھرگلے گی۔ آٹے چینی دی کرپشن اتے کوئی نہیں بولدا ۔ میڈیا دے نال گل بات کردیاں ہویاں ا حسن اقبال ہوراں نے آکھیا اے کہ قومی احتساب بیورو (نیب) تے سرکار اتے تنقید کردیاں ہویاں آکھیا اے کہ نیب نے جس طرحاں عمران نیازی دی فرمائش اتے کیس بنائے اوہ مذاق بن گیا اے۔ عمران خان ادارے تہاڈے ماتحت نیں۔ میرے اتے کرپشن ثابت کرکے وکھائو۔میری وزارت توں 3200 ارب روپے ترقیاتی کماں لئی جاری ہوئے میرے اتے 32رشوت ثابت کردین میں مجرم ہواں گا۔ اوہناں نے آکھیا اے کہ آٹا تے چینی سکینڈل وچ چار سو روپے دی کرپشن ساہمنے آچکی اے۔ اوہدے اتے کوئی نہیں بولدا۔ پوری ایوی ایشن انڈسٹری بیٹھ گئی کوئی نوٹس نہیں لیندا۔